فيلم الفلوس – The money  إخراج سعيد الماروق

فيلم الفلوس – The money 

تصنيف: لايت كوميدي-أكشن

التصنيف العمري: صالح لجميع الأعمار

البطولة:تامر حسني – خالد الصاوي – زينة – محمد سلام – عائشة بن أحمد

تقييم ڨي_سين : 7.5/10

مراجعة للفيلم

-رغم أن تامر حسني مش من الناس اللي كنت بأمن بموهبتهم في التمثيل ولكن في آخر كام سنة عمل حاجات فعلاً كسرت الدنيا..أنا بتكلم عنه من ناحية التمثيل.. ابتداءاً من مسلسل آدم ولحد فيلم الفلوس

بالنسبة لفيلم الفلوس…

-رسم الشخصيات مقدرش اقول عليه غير شابوووه حرفياً لإن كل شخصية وليها أبعادها النفسية والجسمية وليها تفاصيلها وليها لون مختلف عن التاني وسهل تنخدع في الشخصيات وانت بتتفرج

-أما بالنسبة للقصة فمعتقدش اني شفت قصة الفيلم قبل كده هو طبعاً ممكن يكون واخدين حاجات من قصة تانية(أنا مقدرش أجزم) بس معتقدش هتلاحظ لإن الاقتباس مش بالشكل اللي متعودين عليه في أفلامنا المصرية اللي بيوصل لحد (الركورة) يعني Copy..paste او يمكن مش فاكر في الوقت الحالي بس معتقدش في قصة كانت بالتعقيد ده من حيث الأحداث عدت عليا قبل كده وصعب تتوقع أحداثها

-السيناريو بإختصار مفيهوش ملل (لنجرة) بالعكس ده انا كنت حابب الحوار في الفيلم لإنه مش متكلف و مش over

– الإخراج والتصوير :

المخرج (سعيد الماروق) عامل حاجة محترمة من حيث تنوع الكادرات وجودة الصورة والألوان و VFX ومشهد المطاردة من أفضل مشاهد الفيلم اللي شفتها في تاريخ السينما المصرية أنا بتكلم بجد مش بهوّل

-بإختصار الفيلم مشوفتش فيه غلطة او يمكن ملاحظتش يمكن لو شفته مرة تانية اطلع غلطات بس معتقدش فيه

الفيلم عموماً حلو جداً ومش ممل…

 

قد يعجبك ايضا

اترك رد

لن يتم نشر عنوان بريدك الإلكتروني.